مصر الآن ... الثلاثة يشتغلونها !!!

الوضع فى مصر النهاردة بيفكرنى بفيلم ياسمين عبدالعزيز بتاع الثلاثة يشتغلونها و الثلاثة اللى بيشتغلوا مصر النهاردة هما المجلس العسكرى و النخبة و الأحزاب .

خرجت تظاهرات الجمعة الماضية بمطالب أساسية وواضحة كان عليها أجماعا من الأحزاب و الثوار و النخبة ألا و هى :

·         تعديل قانون الأنتخابات بجعل الأنتخابات بالقائمة النسبية الكاملة لمنع مهازل الرشاوى و التزوير التى كانت تحدث بالنظام الفردى .

·         تفعيل قانون الغدر بعزل أعضاء الحزب الوطنى عن الحياة السياسية لفترة من الوقت .

·         وضع جدول زمنى لتسليم السلطة .

·         تنفيذ القرارات الدستورية الخاصة بألغاء حالة الطوارىء .

 ·        حالة الأنفلات الأمنى التى تمر بها البلاد و تحديد المسئول عنها . 
 ·        وقف الأعلام الحكومى لحملات تلميع المجلس العسكرى و تشويه الثورة و توقيف المجلس العسكرى عن قمع الأعلام .

و هذه الطلبات كلها مشروعة لا تحتاج إلى نقاش أو تسويف و لا تحتاج أصلا أن تطلب فالمفترض أن تكون هى خيارات المجلس العسكرى الأولى لضمان عدم العودة للخلف مرة أخرى .

و لكننا جميعا فوجئنا بعد أجتماع المجلس العسكرى بالأحزاب بالخروج علينا بهذا البيان
أولا:
و بداية و قبل أى شىء و لأننا تعبنا من اشتغالات المجلس العسكرى و تلاعبهم بالألفاظ يبدأ أول تساؤل هذا البيان صادر عن من هل هو بيان مبايعة من رؤساء الأحزاب للمجلس العسكرى أم هو بيان مشترك صادر من رؤساء الأحزاب و الفريق عنان ممثلا للمجلس العسكرى فلو أنه بيان مشترك لوجب أن يكون ممهورا بتوقيع الفريق عنان أو أيا من كان ممثلا عن المجلس العسكرى فكيف يتم الأتفاق بين طرفين على مجموعة من النقاط و يقوم طرفا منهم بالتوقيع و لا يوقع الآخر و يعتبر هذا أتفاق
إذا فهذا البيان ملزم لرؤساء الأحزاب و غير ملزم للمجلس العسكرى و إلا لكان الفريق عنان موقعا عليه
إذا فالمطلوب معرفة مصدر البيان هل هو المجلس العسكرى مع رؤساء الأحزاب أم رؤساء الأحزاب


ثانيا :
تنص المادة 41 من الأعلان الدستورى على " تبدأ إجراءات انتخاب مجلسى الشعب والشورى خلال ستة أشهر من تاريخ العمل بهذا الإعلان.
ويمارس مجلس الشورى اختصاصاته  بأعضائه المنتخبين .
ويتولى رئيس الجمهورية، فور انتخابه، استكمال تشكيل المجلس بتعيين ثلث أعضائه ، ويكون تعيين هؤلاء لاستكمال المدة الباقيـة للمجلس على النحو المبين بالقانون ."
فهل أصدار قانون الأنتخابات المعيب يمثل البدء فى أجراءات هذه الأنتخابات أم تبدأ هذه الأجراءات بأعلان المشير فتح باب الترشح لأنتخابات مجلس الشعب و هو ما لم يتم حتى الآن و بذلك نكون الآن أمام مخالفة دستورية تهدد مجلس العشب القادم لأن فترة الستة أشهر أنتهت اليوم دون الأعلان عن فتح باب الترشح لأنتخابات مجلس الشعب هذه النقطة فعلا لا أفهمها و أحتاج توضيح من أحد الأخوة الضالعين بالقانون عنها .

ثالثا :
بالنسبة لأنتخاب رئيس الجمهورية بعد اصدار الدستور و ماذا سيكون مصير مجلس الشعب بعد اصدار الدستور هل سيستمر الخمس سنوات المقررة له أم سيتم حله و ماذا لو قرر فى الدستور الجديد مثلا إلغاء نسبة العمال و الفلاحين أو قرر أن يكون مجلس الشعب هو المسئول عن تشكيل الحكومة أو ألغاء مجلس الشورى أو أستبداله أو أضافة أو تعديل أيا من وظائف المجلسين هل سيحل مجلس الشعب فى هذا الوقت و ينتخب من جديد أم سيستمر أم سيفصل الدستور لأستمراره .
للعلم لا أعتراض شخصى لدى على بقاء المجلس العسكرى بالسلطة حتى نهاية 2012 و لكن وفقا لخريطة طريق معلومة للجميع .

رابعا:
ميثاق الشرف الذى سيتم على اساسه أختيار اللجنة المؤسسة للدستور ألا يعتبر هذا خرقا للمادة 60 من الأعلان الدستورى و التى تنص على  "يجتمع الأعضاء غير المعينين لأول مجلسى شعب وشورى فى اجتماع مشترك ، بدعوة من المجلس الأعلى للقوات المسلحة ، خلال ستة أشهر من انتخابهم ، لإنتخاب جمعية تأسيسية من مائة عضو ، تتولى إعداد مشروع دستور جديد للبلاد فى موعد غايته ستة أشهر من تاريخ تشكيلها، ويُعرض المشروع ، خلال خمسة عشر يوماً من إعداده ، على الشعب لاستفتائه فى شأنه ، ويعمل بالدستور من تاريخ إعلان موافقة الشعب عليه فى الاستفتاء ." لأنه مصادرة للأرادة المطلقة لأعضاء مجلس الشعب القادم و فرضا لرؤى على قوة سياسية قاطعت المؤتمر قد تكون رافضة لميثاق الشرف هذا و ينجح أعضاؤها فى الأنتخابات البرلمانية و فى هذه الحالة هم غير ملزمون بميثاق الشرف هذا .
الموقف العام لأغلب النشطاء السياسيين الرفض لهذا البيان و يدعون حاليا لمقاطعة هذه الأحزاب أضافة إلى موقف بعض المرشحين المحتملين لرئاسة الجمهورية أضافة إلى مقاطعة حزب الوسط للمؤتمر و عدم دعوة حزب التيار المصرى لأنه تحت التأسيس

خامسا :
تعديل المادة الخامسة من قانون الأنتخابات بالرغم من أن المطلب العام  كان أن يتم جعل الأنتخابات جميعها بالقائمة النسبية أما تعديلها فما هو إلا تغليب للمصلحة الذاتية للأحزاب وأنقلاب على مطالب الثوار فالمطلب واضح و هو جعل الأنتخابات بالقائمة النسبية جميعها حتى نتخلص من أباطرة تزوير الأنتخابات و لأن النظام المختلط فى ظل نسبة الأمية المرتفعة فى مصر سيتسبب فى أبطال الكثير جدا من أصوات الناخبين و لكن بما أن تعديل المادة الخامسة من مصلحة الأحزاب فقد وافقت على التعديل و لم تلتفت للمطلب الجماهيرى .

سادسا :
كيف يتم دراسة وقف العمل بحالة الطوارىء و قد أعلن كبار فقهاء القانون الدستورى فى مصر عن أن حالة الطوارىء أنتهت منذ يوم 30/9 و لا يجوز مدها بدون أستفتاء الشعب علي المد و أول هؤلاء الفقهاء الدستوريين المستشار طارق البشرى .

سابعا :
ما معنى حرمان بعض قيادات الحزب الوطنى هذا قمة السخف فبالفعل قيادات الجزب الوطنى بالسجون و الباقى من القيادات لن يجرؤ على الترشح إلا لو كان من قيادات المحافظات نحن نتحدث عن قانون عزل سياسى يمنع على الأقل جميع قيادات الحزب الوطنى اضافة إلى من تقدم للحزب أو ترشح على قوائمه فى أنتخابات مجلسى الشعب و الشورى لدورتى 2005 و 2010 من العمل العام تماما و ليس أنتخابات مجلسى الشعب و الشورى فقط .

ثامنا :
بالنسبة لعدم أحالة المدنيين إلى القضاء العسكرى  إلا فى الجرائم المنصوص عليها بقانون القضاء العسكرى فهذا ما يسمى ضحك عالدقون أو أشتغالة أو هس السلعوة سميها زى ما تسميها لأن نص قانون القضاء العسكرى بيقول أيه " مادة (6) ( معدلة بالقانون رقم 5 لسنة 1970 الجريدة الرسمية فى 29 / 1/1970)
تسرى أحكام هذا القانون على الجرائم المنصوص عليها فى البابين الأول والثاني من الكتاب الثانى من قانون العقوبات  وما يرتبط بها من جرائم ، والتي تحال إلى إلقاء العسكري بقرار من رئيس الجمهورية .
ولرئيس الجمهورية متى أعلنت حالة الطوارئ أن يحيل إلى القضاء العسكري  أى من الجرائم التى يعاقب عليها قانون العقوبات أو أى قانون أخر ." يعنى بالعربى كده و بما أن المجلس متربس دماغه أن حالة الطوارىء لم تلغى و أن المدنيين لن يتم أحالتهم للقضاء العسكرى إلا فى الجرائم المنصوص عليها بقانون القضاء العسكرى يبقى من حق المجلس العسكرى أنه يحيل أى جريمة للقضاء العسكرى لأن نص قانون القضاء العسكرى يعطى رئيس الجمهورية متى أعلنت حالة الطوارىء الحق فى أن يحيل إلى القضاء العسكري  أى من الجرائم التى يعاقب عليها قانون العقوبات أو أى قانون أخر.

تاسعا :
ما الفائدة من أعلان رؤساء الأحزاب تأييدهم الكامل للمجلس الأعلى للقوات المسلحة غير وضع معارضى أى قرار من قرارات المجلس فى خانة التخوين فرؤساء هذه الأحزاب لم يذهبوا للجلوس مع المجلس العسكرى إلا لأعتراضهم على بعض قراراته فكيف يخرجون و هم يعلنون التأييد الكامل له و هل هذا التأييد المطلق هو ما جعلهم يسكتون عن ملف الأعلام و جملة تلميع المجلس العسكرى و تشويه الثورة و الثوار و غلق مكتب الجزيرة مباشر مصر ووقف صحيفة سوت الأمة و السكوت الكامل عن ملف الأنفلات الأمنى؟؟؟؟.

عاشرا :
هل هذا البيان معد مسبقا لتوقيع السادة رؤساء الأحزاب أم أنه كتب بعد أجتماعهم فلو كتب بعد أجتماعهم فما السرفى عدم توقيع الدكتور محمد أبو الغار على البيان و لو ترك الأجتماع مبكرا فلماذا لم يوقع عنه نائبه فى الحزب أو ما شابه و كيف يترك أجتماع بمثل هذه الأهمية و يذهب .

أخيرا أعيد و اكرر لازال الثلاثة يشتغلونها المجلس العسكرى و الأحزاب و النخبة و لهذا فجواز عتريس من فؤادة باطل باااااااااااطل باااااااااااطل   و لكى الله يا مصر و للثورة رب يحميها .

أقوال مأثورة :
الناس نخبتها السبت و الأحد و أحنا نخبتنا ما وردت على حد
اللى أتلسع من الشوربة ينفخ فى الزبادى .
أفتكرلك أيه يا بصلة و أنتى كل عضة بدمعة .
قالوا الجمل طلع النخلة آدى الجمل و آدى الجمال .
إن مجتمع من الخراف يخلق دائما حكاما من الذئاب ." فرانسيس بيكون"
ويل لأمة سياستها ثعلبة و فلسفتها شعوذة,أما صناعتها ففي الترقيع " جبران خليل جبران"
لم تفرق الصحف والقنوات التليفزيونية بين تغطية الأخبار والتغطية على الأخبار " سلامة أحمد سلامة"
الثورة قوية كالفولاذ.حمراء كالجمر.باقية كالسنديان كحبنا الوحشي للوطن.انني احس علي وجهي بالم كل صفعة توجه الي مظلوم في هذه الدنيا فاينما وجد الظلم فذاك وطني " جيفارا"

إذا أعجبك المحتوى ساعد على نشره

قصيدة كلام فى كلام فى كلام ... رسالة للمجلس العسكرى و النخبة

كلام فى كلام فى كلام

عيشنى فى الأوهام

خدرنى و سيبنى أنام

خلينى خيال انسان

يأكل يشرب و ينام

أربطنى فى ساقية تدور

خلينى حمار على طول

غمينى و سيبنى ألف

أهو يمكن عقلى يخف

حشلى حبة برسيم

أسقينى و عطش جيم

أأقلبلى الضاد صاد

أنا عمرى ما أعيش فى تضاد

و أنا هتعب راسى ليه

سلفنى بريزة يا بيه

و لو ممكن ربع جنيه

و ياريت ولعلى سيجارة

و معاها قرش حشيش

أهو يمكن أنسى و أعيش

و أهو كله برده كلام

كلام فى كلام فى كلام

القصيدة دى أنا كتبتها سنة 2007 تقريبا كانت بتعبر عن خازوق ثقافى أخدته فى الوقت دا عندما سقط من نظرى أحد أفراد النخبة الذين كنت أجلهم جل التقدير بالأضافة للخنقة اللى كنا عايشنها من نظام المخلوع مبارك أثناء الوقت اللى أتكتبت فيه القصيدة و المخدرات الكلامية اللى كانوا مغرقنا بيها فى الوقت دا و اللى واضح أن شباب أنا آسف يا ريس أدمنوها و هى سبب الهزال الفكرى اللى عندهم دلوقتى

و  بعد اللى شوفناه خلال الشهرين اللى فاتوا من المجلس العسكرى و النخبة لقيت أنها أحسن رسالة أأقدر أوجهها للمجلس العسكرى اللى مش شايف أنه حقق أنجازات للثورة لحد النهاردة غير أنجازين أثنين أنه رفع اسعار السجائر و رخص الحشيش ( قرش الحشيش قبل الثورة كان ب 200 جنيه النهاردة قرش الحشيش ب 60 جنيه للى ميعرفش يعنى ) أيه تانى أتغير فى البلد بصراحة مش فاكر لو حد عارف حاجة يبقى يقولهالى شبعنا كلام يا عم المجلس .

أما بالنسبة للنخبة فأنا رأيى فيهم دايما أن الناس دول بتوع كلام و بس  و بالذات متطرفى الفكر منهم و أنا عن نفسى بقسمهم لصنفين ناس مادام عطشت الجيم يقوا شيوخ و ينفع يتكلموا بأسم ربنا فى الأرض ناسيين أن فى حاجة فى الفقه أسمها فقه الواقع أستخدمها سيدنا عمر رضى الله عنه فى تعطيل الحدود فى عام الرمادة و ناس تانية عاوزة تنسينا أننا أصحاب لغة الضاد و عاوزين يخلوها صاد قصدى آيه بى سى يعنى و بيحاولوا أنهم ينسونا أصولنا و قيمنا و عادتنا و تقالدنا و الحرية عندهم قلة أدب و بس شبعنا كلام يا عم النخبوى أنت و هو و أرحمونا من وجع الدماغ شوية  .

يا جماعة مصر بتاعت المصريين بتاعت الغلابة و اللى عاوز يصلح مصر يبقى يشوف الغلابة دول عاوزين أيه و طبيعى الناس لما بيرتفع مستوى معيشتها بتبطل تفكر بالنص اللى تحت و بتبدأ تفكر بالنص اللى فوق علشان تحافظ على مستوى المعيشة اللى وصلوا ليه أما بلد ما يزيد عن41% فقراء (20% تحت خط الفقر)  فحديثك يجب أن يوجه أما إلى بطونهم أو إلى أصابع بطونهم

و أسئل أى شاب و بنت نفسكم فى أيه هيقولولك نفسنا نتجوز و نشتغل شغلانة ثابتة بمرتب كويس مفيش واحد هيقولك أنا عاوز أأقول رأيى من غير ما حد يحجر عليه أو هيقولك أنا ضد الأمبريالية التوسعية أو أنا برفض الراديكالية يا جماعة أفهموها بقى فى حاجة اسمها فقه الأولويات يعنى صلح التعليم و أضبط الأقتصاد هتلاقى الناس بتطالب بالحريات مفيش كلام بيأكل عيش غير الكلام اللى بيتكتب فى الجرايد و بيأكل بس اللى بيكتبوه أما اللى بيقروه فبياكلوا على قفاهم و بس و شكرا

إذا أعجبك المحتوى ساعد على نشره

لو مصرى متقراش المقال دا ... علشان هيتحرق دمك

من فترة كبيرة و أنا منقطع عن التدوين و الكتابة و مكتفى بأنى حاطط أيدى على قلبى من اللى شايفة من أنقسام على الساحة بين القوى الوطنية بشقيها و كل طرف يظن انه يمتلك الحقيقة الكاملة و فى النهاية حسيت بأن غلط كبير أنى متكلمش و افضل ساكت لأنى لما نزلت يوم 25 يناير نزلت علشان حقى فى أنى أتكلم و أقول رأيى و  سكوتى معناه أنى هضيع حقى و حق أولادى .

مصر الآن هى اشبه ما يكون بعربة عطلانة مجموعة تحاول دفعها للأمام و مجموعة أخرى ساندة عليها متظاهرة بالدفع و آخرون يضغطون فرامل  و الكثيرون جالسون عالكنبة الخلفية إذا ما توقفت العربة صاحوا أدفعوا بقوة و إذا ما تحركت أنطلقوا فى التصفيق و التهليل , وواجبنا اليوم هو أن ندفع الجالسون على الكنبة الخلفية للدفع معنا لأجبار الضاغط على الفرامل لرفع قدميه .

أولا و قبل أى كلام لازم الكلام يكون حاسم و مفيهوش مواربة يعنى أول سؤال لازم اسئله لنفسى الثورة قامت ليه و علشان مين ؟

و هنا هستعير وصف الأستاذ بلال فضل للى قامت علشانهم الثورة  و هما السكان الأصليين لمصر و السكان الأصليين لمصر مش هما النخبة و لا النشطاء السياسيين و لا المتطرفين الدينيين و لا المتطرفين العلمانيين  و لا الملحدين و صمت الشعب المصرى و رجوعه للكنبة هى أكبر طز أتقالت لكل دول .

يعنى علشان تنجح الثورة يبقى لازم يكون همها الأول المواطن لأن المواطن دا هو اللى لازال بيعانى من 40% أمية , و 20% تحت خط الفقر ,  10% أمراض الكبد , 11.9% بطالة غير 25% بطالة بين حجملة المؤهلات العليا و اضافت النخبة إلى هذه الهموم مخاوف أخرى منها خوف المسلمين على دينهم حال تمكن غير القوى الأسلامية من الفوز فى الأنتخابات و هذا ما ظهرت نتيجته جلية فى الأستفتاء على التعديلات الدستورية  اضافة إلى انفلات أمنى  و أنفلات فى الأسعار .

يبقى أزاى تطالب المواطن الغلبان اللى مش لاقى  قوت يومه انه ينزل معاك مظاهرات و هو اصلا مشفش من الثورة لحد النهاردة خير و أنت عمال تعشمه بان الخير جاى و هو شايفك بتطالب بمطالب متخصوش فى اى حاجة و هو شايف النخبة منقسمة و بتقطع فى بعضها و مفيش أتنين فيهم متفقين على شىء

التخوين هو السمة الغالبة فى الحديث بين الجميع الآن  فقد قسمنا مصر بين عملاء للسعودية و فلسطين و أيران و عملاء لأمريكا و عملاء لأسرائيل و عملاء لصربيا كفانا قليلا تخوينا لبعضنا البعض و لنتفهم جميعا أن هناك رأى و رأى آخر و ليس معنى أنى أختلف معك فى الرأى أن أحدنا خائن و عميل فمادام الرأى نابع عن فكر و ثقافة فله كل الأحترام و هذا ما يجعلنى أستغرب موقف جماعة آسفين يا ريس فهم لا منطق و لا رأى أنما عاطفة فقط هى التى تحكمهم و لكنى التمس لهم العذر فأغلبنا نشأ و هو يتعلم أن الرئيس هو الأب و زوجته هى الأم هذا غير فساد التعليم و الثقافة و الأعلام .

أول مسمار دق فى نعش الثورة كان الأستفتاء فلا نعم حكمت بالشريعة و لا لا كانت ستلغى المادة الثانية من الدستور و النتيجة فى كلا الحالتين كانت على هوى المجلس العسكرى و ترك الليبراليين و اليساريين المجلس العسكرى و شرعوا فى الهجوم على التيار الأسلامى فخسروا الشارع و خسروا التيار الأسلامى و كسب المجلس العسكرى اول جولة و توقف الأعتداءات اليومية المشبوهة التى كنا نسمع عنها من أعتداءات للسلفيين على الأقباط و المارقين لأنها كانت مرحلة و أنتهت هل سأل أحدا منكم نفسه لماذا فجأة توقفت حملات قطع الأذن و الأعتداء على المتبرجات و الأقباط لقد توقفت هذه الجملات لأنها لم تبدأ اصلا لقد أنتهت هذه الحملات لأن من أشاعها أنتهى إلى غايته من شق الفرقة بين القوى الليبرالية و اليسارية من جهة و التيار السلامى من جهة أخرى فلقد أنشغل طرف منهم بالدفاع عن نفسه و الطرف الآخر تفرغ للهجوم عليه و تركنا الثورة لتوفيق عكاشة و أحمد سبايدر .

بعد ذلك بقليل و بعد فرصة من الوقت لعكاشة و سبايدر و الثرثار طلعت السادات و المخبول ناجى لنشر شائعاتهم جاء المجلس العسكرى بأتهام لحركة 6 ابريل بالعمالة و تلقى التمويل الخارجى و التدريب بصربيا لتخريب مصر و الذى كان مصدقا لتيار كنا نعتبر كلامه نقط و ندخل صفحاتهم أو نشاهد برامجهم للترفيه فوجدنا عكاشة و ناجى و طلعت السادات يرشحون انفسهم للرئاسة و سبايدر نجما بالتليفزيون و لا 6 ابريل دافعت عن نفسها و لا التيار الليبرالى و اليسارى رد على بيان المجلس العسكرى ردا كافيا و أعتبرها التيار الأسلامى فرصة للتشفى ممن أتهموه بالتهجم على الأبرياء  و كانت مسمارا آخر فى نعش الثورة بل ما زاد فى تثبيت هذا المسمار حملات الدفاع عن الملحدين مايكل نبيل سند و كريم عامر و كلاهما تاريخه فى التطاول على الأديان كافى لنفور المواطن العادى منهم و من الثورة و اتهامها بكافة الأباطيل و تلويث سمعة 6 أبريل .

نأتى لآخر الأحداث و بدأت الأحداث مبكرا بأعتداء الأمن على جماهير الأهلى فى مباراة الأهلى و كيما أسوان  و التى تظهر لى اليوم و كأنها كانت تمهيدا لدفع الألتراس للنزول بصفة رسمية لما يرتبطون به من صورة سيئة مرتبطة بالأذهان منذ أعلام مبارك الفاسد  و كان موقف المجلس العسكرى المتخاذل من قتل جنودنا على الحدود  و الأعلان عن مسيرة للثوار للسفارة الأسرائيلية تمهيدا كافيا لما حدث أمام السفارة الأسرائيلية فكنا كالدبة التى قتلت صاحبها و أستدرجنا بمنتهى السذاجة لمكيدة الهجوم على السفارة الأسرائيلية فكان اسرع رد فعل للمجلس العسكرى منذ الثورة بأن أعاد قانون الطوارىء و اطلاق يد جهاز الأمن القومى (أمن الدولة سابقا)  و اليوم الهجوم على مكتب الجزيرة بحجة شكوى الجيران من وجود وحدات sngبمكتب الجزيرة و اللى سألت عليها صديق ليا مهندس أتصالات فقالى أنه معندوش عنها أى فكرة أضافة غلى أمتناع المشير عن الشهادة فى قضية مبارك و تقديمه شهادة مكتوبة خوفا من تسريب شهادته و طبعا خرج من يهلل لعودة الأمن الوطنى من البسطاء لعلاج حالة الأنفلات الأمنى المسئولة الثورة عنها كما ثبت فى قناعة البسطاء .

فى هذه الأحيان يعانى المواطن العادى من انفلات أمنى أضافة إلى أنه و منذ 15  يوما تقريبا بدا مخطط جديد  بأضراب موظفى البريد فيتأخر أصحاب المعاشات فى قبض رواتبهم و تتعطل الكثير من المصالح يليها تظاهرات المدرسين  و اضراب الأطباء فيعانى المواطن اكثر و اكثر اضافة إلى قانون رؤساء الجامعات الذى رفض المجلس العسكرى التصديق عليه مما ينبىء بشلل كامل بالجامعات المصرية أضافة إلى أضراب منتظر للمدرسين مع بدء الدراسة أى أكتمال مسلسل معاناة المواطن المصرى و دفعه للأنقلاب على الثورة .

نهاية من لا يقرا التاريخ لا يتعلم فحركة الضباط سنة 52 بدات بشهر عسل بينهم و بين الأخوان و مثقفى مصر و بدأ مخطط الأستبداد بالسلطة عندما رفض الفقيه القضائى السنهورى و رئيس نادى القضاة أنضمام القضاة للأتحاد الأشتراكى فكانت مذبحة القضاة الشهيرة و وصل الأمر للأعتداء على السنهورى بالأحذية و خروج من يهتفون بسقوط الديموقراطية لأن عبدالناصر كان فى ذلك الوقت قد أشترى البسطاء بقوانين الصلاح الزراعى ثم بعد ذلك كان حادث المنشية الذى تخلص عن طريقه عبدالناصر من الأخوان و أستبد بالسلطة وحده .

و السيناريو فى بلد لم يستطيع جيشها و شرطتها تأمين سفارة هو أنتخابات فى 126 دائرة انتخابية وسط قبلية و عصبيات أضافة إلى نواب سابقين يعرفون جيدا طريق البلطجية هو مجازر تنتهى بفرض الأحكام العرفية وسط تأييد شعبى للعسكر و سخط شعبى عام على الثورة اللى جابتلنا وجع القلب و تمديد حكم العسكر لستين سنة أخرى .

إذا و ما الحل ؟؟؟؟؟؟؟؟؟؟؟؟؟؟ 

1-      الحوار مرة أخرى بين القوى الوطنية بعيدا عن المجلس العسكرى .

2-      التوحد على المطالب الشعبية و ليس النخبوية مثل الحد الأدنى و القصى للأجور و التركيز على  توعية المواطن البسيط بأن هناك من يتقاضى راتب مليون و نصف المليون من الجنيهات فى حين لا نستطيع تحديد حد ادنى للأجور 700 أو 1200 جنيه و يكون الحد الأدنى للأجور ساريا على القطاعين العام و الخاص و ان يسبق وضعه أجتماعات مع اصحاب شركات القطاع الخاص لتقديم تسهيلات لهم تمكنهم من تطبيقه و تحديد جدول زمنى لذلك .

3-      أعلان ما تم أنجازه من قبل المجلس العسكرى  فى ملف استرداد الثروات المنهوبة .

4-      تحديد جدول زمنى للأنتخابات البرلمانية و الرئاسية .

5-      أعلان الحكومة لآليتها للقضاء على الأنفلات الأمنى .

6-      ألغاء قانون تجريم التظاهر و الأعتصام .

7-      أعلان الحكومة ما قامت به بخصوص قتلانا من الجنود على الحدود مع اسرائيل .

و لتحقيق هذه الأهداف يجب التوقف عن المليونيات و العودة مرة أخرى للوقفات الصامتة  فالمواطن البسيط و البلاد ليست حمل أى حشد لمليونيات و لكن الوقفات الصامتة  بطول كورنيش مصر مع بانرات بالمطالب كافية لأيصال الرسالة و التعبير عن قمع الحريات الذى عدنا له مرة أخرى .

و قفات صامتة بطول كورنيش مصر فى جميع المحافظات لشباب مصر مكممى الأفواه بلاصق رافعين بنرات بطلباتهم  فتكون رسالة للمجلس العسكرى و المواطن البسيط أننا لسنا صناع فتنة و أنما نحن نطمح فى عيش .. حرية .. كرامة أنسانية

ملحوظة

عيش = عمل

حرية = تربية

كرامة انسانية = علم

إذا أعجبك المحتوى ساعد على نشره

تدوينة قبل السجن العسكرى

أولا أعتذر عن جميع الألفاظ الخارجة التى سترد فى هذه التدوينة و لكن ورودها فى التدوينة واجب لأنى سأروى واقعة حدثت معى و حتى تتضح الحقيقة للجميع لو حدث و أعتقلت اليوم من قبل الشرطة العسكرية لما سأرويه فيما سيرد فى التدوينة فيما بعد و حتى يعلم الجميع أن النظام لم يسقط بعد.
و أعاهد الله أن كل كلمة اذكرها هنا فى هذه التدوينة ما هى الا الصدق.
أسكن فى أحد الشوارع الجانبية المتفرعة من شارع رضا بالأسماعيلية ، و أنا أسكن فى الأسماعيلية كمغترب من محافظة القاهرة نظرا لظروف عملى ، و عند عودتى من العمل فى سيارة أحد أصدقائى بالعمل و هو مدير أدارى بالمصنع تركى الجنسى لأن المصنع الذى أعمل به هو أحد مصانع الملابس الجاهزة التركية . و نزلت من السيارة أمام المنزل و كانت تقف امام المنزل عربة تين شوكى و انا متجه لباب منزلى شاهدت صديقى التركى يتحدث لصاحب عربة التين فتوجهت له حتى أساعده فى الترجمة بينهم لأجادتى التركية ، و  نحن واقفين و عامل عربة التين يقوم بتقطيعه لهم : جاءت عربة خلف عربة صديقى و ضرب صاحبها له كلاكس ،فقلت لصديقى بالتركية أن يفسح المكان للسيارة كى تمر فرد على بأنه آخر واحدة من التين و سيذهب فقولت له تمام ،و أشرت لقائد العربة دقيقة أنا آسف هما ماشيين فرد عليا بصوت عالى مع الأشاحة بيديه مش أم مكان للوقوف دا أخلص يلا فرددت عليه مشاورا بيدى ناحية صدرى علامة التأسف  معلش هما خلاص ماشيين أهم فقام بالتزعيق فى و قال طب أخلص يلا و كان اصدقائى فى هذا الوقت قد تحركوا بسيارتهم و ذهبوا فى طريقهم  فقولت له أنا بقولك أنا آسف ملوش لازمة الصوت العالى و نستحمل بعض يعنى . فرد على قائلا أنت هتعلمنى أتكلم أزاى يا روح أمك فرددت عليه بنبرة فيها غضب طيب أيه لازمة الغلط أنا بكلمك بأحترام فملوش لازمة قلة الأدب فرد قائلا أنت غلطان و بتتكلم كمان يا روح أمك
فقلت له أولا مش أنا اللى راكب العربية و أنا أعتذرتلك على وقفتهم فأيه لزومه الغلط و قلة الأدب فوجدته يرد قائلا تصدق أنت ابن مرة تيت قليل الأدب و عاوز تتربى فقولت له تصدق أنك أنسان مش محترم و قليل الأدب و غور من هنا يلا  علشان مقلش أدبى عليك و أحترم نفسك ، فوجدته يخرج تليفونه قائلا طيب يا تيت أمك أنا هعلمك الأدب و هعرفك لما تتكلم تتكلم أزاى فرددت عليه قائلا تصدق أن أنت اللى أبن مرة تيت و أحترم نفسك و بلاش قلة أدب  فقال لى طيب يا تيت أمك أنا هخليك تبوس جزمتى و تعرف أزاى تتكلم بأدب مع اسيادك فقلت له أسياد مين يا ابن التيت و غور من هنا بقى علشان ممدش أيدى عليك فقام بالرجوع بسيارته للخلف و ركنها و قام بالأتصال بالتليفون لا أدرى يكلم من فقمت فى هذا الوقت بأخذ رقم سيارته و هو 100398 ملاكى الأسماعيلية أسبيرانزا و بعدها بما يقرب من خمس دقائق جاء صديق له يلبس بنطلون و قميص مدنى فركب بجواره بالسيارة و أتجهوا بالسيارة فى أتجاهى ثم قال هو لى  لف كلم الباشا يلا فقولت له أتكلم بأدب و أحترم نفسك فرد على لف يا تيت أمك كلم الباشا و أنا هعلمك أزاى تتكلم مع اسيادك يا أبن المرة التيت فرددت عليه التيت اللى أنت بتتكلم عنها دى أنضف و اشرف من اللى خلفتك و معرفتش تربيك  فقام بالنزول من السيارة و حاول الأشتباك معى بيديه قائلا شايف يا باشا ابن التيت و قلة أدبه أتصلى بالحاكم العسكرى يبعت عربية شرطة عسكرية تأخده و هناك أنا هخليه يعيط زى النسوان و يبوس رجلى و هنا تجمع بعض الناس فرددت عليه أنت اللى ابن مرة تيت  و ورينى هتعرف تعمل أيه يا تيت أمك علشان أنت بنى أدم مش محترم و ابن مرة تيت فنزل صديقه من السيارة و بعد أن أخرج تليفونه أعاده مرة أخرى بسبب تجمع الناس و سؤالهم ماذا حدث و أستغرابهم من أسلوبه و لكن الملاحظ هنا أن الناس لازالت على طيبتها فقد ألتفوا حوله عندما سمعوا كلمة الحاكم العسكرى قائلين فى ايه يا باشا بس أستهدى بالله محصلش حاجة فرد هو قائلا دا عيل ابن مرة تيت لازم يتربى و انا هخليه يمسح جزمتى بلسانه فرددت عليه قائلا تصدق ان انت انسان ابن تيت مش محترم و لو هتعمل حاجة اعملها و متفضلش تتكلم كتير و تغلط عالفاضى علشان ممدش أيدى عليك  فتركه أحد كبار السن بالشرع و كان الوحيد الذى يعرفنى فى وسط المتجمعين قائلا معلش يا باشمهندس و خليك أنت أحسن منه و راضيه مش هتخسر حاجة من الكلمة الحلوة فرددت عليه قائلا أراضيه لو أنا غلط فيه لكن هو زى ما انت شايف قليل الأدب و لسانه طويل و عمال يشتم و بيقول هعمل فيك و هسوى يورينى هيعمل أيه و هنا كان اول كلام صديقه قائلا مش أنت اللى شتمته و قليت أدبك عليه قولتله محصلش و أنت حاضر من اول ما اتصل بيك و شايفه و هو عمال يقل أدبه فرد قائلا مش هو قالك  تلف تكلمنى و انت مرديتش و بعدين أنت اللى شتمته الأول فقولت له أولا اكلمك أنا بتاع أيه ثانيا بربك متكذبش أنت شايفه و هو بيقل أدبه فرد الآخر قائلا انت كمان هتغلط فيه يا ابن تيت دا مقدم قوات جوية و هتتيت دلوقتى و الشرطة العسكرية هتنفخك و مد يده خلف ظهر صديقه الذى أتصل به قائلا و دا سلاحه الميرى علشان تتأكد يا تيت أمك فمنعه صديقه من سحب السلاح الميرى واضعا يده على يده خلف ظهره فرددت عليه أنا قائلا انت ابن مرة تيت عمال تقل فى ادبك و لو تعرف تعمل حاجة يا ابن التيت اعملها و دا بيتى ورينى هتعمل ايه فحاول الناس تهدأتنا فقال لى صديقه الذى أتصل به مش انا قولتلك لو سمحت تعالى انت مردتش تيجى تكلمنى و شتمته فقلت له لا أولا أنت لو قولت لو سمحت تعالى كلمنى أنا كنت هحترمك و هكلمك أحتراما لأدبك مش خوف منك لكن أنا مسمعتكش قولت كده لأنه كان فى الوقت دا بيقولى لف كلم الباشا يا تيت أمك و انت سمعت الكلام دا و بربك تقول الحقيقة فلم يرد وسط محاولات الناس التهدئة و اقناعى بالأعتذار له علشان متأذيش و اقناعه بمسامحتى علشان عندى عيال فرد هو عليهم وربنا مش هسيبه غير لما يتأسف و يبوس راسى فرددت عليه قائلا و أنا اقسم برب الكعبة لو أنت رئيس الجمهورية و هتأخد روحى مش هتحبسنى مش هعتذرلك و اللى عاوز تعمله أعمله فرد قائلا طيب يا روح امك أنا هخليك تعيط زى النسوان و تيجى تبوس جزمتى علشان أسامحك و فشل الناس فى أقناعى بالاعتذار له  فذهب و صديقه واعدين بالقبض على اليوم
طبعا بعد ما مشيوا هما الأتنين الناس بدات تعبر عن رأيها و تستنكر موقفه و يهنونى أنى معتذرتش ليه بس هما خايفين عليا برده و انا قولتلهم أنا اصلا مغلطش فيه و لو كنت غلط فيه كنت هعتذرله بس هو انسان قليل الأدب و هو اللى غلط فيا
أنا لقيت أنكم لازم تعرفوا الموقف لسببين الأول هو أن مقدم القوات الجوية صاحبه قالى أنه على استعداد يتصل بالحاكم العسكرى أو الشرطة العسكرية و اتهامى بالسرقة أو بالأعتداء عليه و ساعتها هما هيعرفوا يتصرفوا معايا فعلشان لو دا حصل تبقوا عارفين الحقيقة  و مبصش ألاقى أمثال سبايدر و عجاشة بيقولو شباب الثورة حرامية أو بيقومو بالبلطجة على ضباط الجيش
و السبب التانى أنه فعلا لسه النظام مسقطش زى ما الخال ما قال و أن البلد محتاجة مننا أننا منتنازلش عن حقوقنا تانى أبدا
طبعا أنا فى كلامى معاه مجبتش سيرة النظام و العسكر و الجيش و لا أنى عضو فى ائتلاف شباب الثورة بأسماعيلية لأن مكنتش عاوز الموضوع يتأخد على أنه عداء بين الثوار و الجيش و محدش يحاول يفبركه بس أقسملكم بالله أنى فعلا مغلطش فيه
هستئذنكم دلوقتى علشان رايح الأعتصام فى الممر و اشوفكم بالليل على خير و لو مشوفتكمش لمدة يومين على الفيس بوك أو تويتر أو فى المدونة هنا يبقى أسئلوا عليا فى التأديب فى الجيش الثانى
أعتذر لكل من جرحته الكلمات مرة أخرى و يعلم الله أن آلمنى أن تقرأوها كما آلمنى قولها أو سماعها

فهمى الحلوانى
كيميائى
مدير مغسلة مصنع أوراجلو أيجيبت للملابس الجاهزة

إذا أعجبك المحتوى ساعد على نشره

دا شفيق و الا مش شفيق قام قالى شفيق يا راجل

 النهاردة شكله هيبقى يوم جامد كيييييييييييييييييييييك
ثلاث أخبار على تويتر يولعوا الدنيا

الثوار يغلقون مجمع التحرير

أنباء عن اقالة عصام شرف

 شفيق يظهر مع المشير

 و طبعا دا كله فى ظل ضياع باسورد خساب المجلس العسكرى عالفيس بوك علشان كده بطل يطلع بيانات

و بما أن مصر منقسمة اليوم إلى ثلاث فئات بلطجية و فلول و كنبجية فأكيد كل خبر من دول هيأثر فيهم بشكل معين
يعنى بالنسبة للكنبجية أغلاق مجمع التحرير مادام مالهمش مصالح هناك مش هيتكلموا بالذات بعد الشو الأعلامى الحلو اللى حصل من موظفين المجمع اللى مصدقوا يزوغوا و أعلنوا تأييدهم للتصعيد بما انه هيضمن اجازة ليهم و كمان تبرعوا بأنهم يقوموا بأرشاد المواطنين عن كيفية تسيير مصالحهم بوسائل حكومية أخرى غير المجمع فالموضوع دا هيكون فى صف الثوار و هيكسب تأييد من الكنبجية و بالنسبة للفلول فيكفيهم وجود توفيق عكاشة و أحمد سبايدر فى وسطيهم علشان يخلوهم بدون قيمة اما بالنسبة للثوار فأتمنى تجنيب أى خلافات و السير على نفس المنوال من توحيد الصف و المطالب و التركيز على التطهير الفورى لجهاز الشرطة و طبعا ضباط الداخلية المطلوب تطهير الداخلية منهم معروفين بالأسم و 6 أبريل و الأئتلاف قدموا قوائم بأساميهم و المطلب الثانى الخاص بعلانية المحاكمات و دا ايضا لا تنازل و لا تفاوض فيه و اضيف لهذا اقالة النائب العام لمسئوليته المباشرة عن أخلاء سبيل ضباط السويس قتلة المتظاهرين بسبب خطا فى أجراءات الضبط و هى مسئولية مباشرة للنائب العام ووزير الداخلية

أنباء اقالة شرف هيظهر ردود الفعل عليها فى الساعات القادمة سواء بالتكذيب او التأكيد

نيجى بقى لأبو بلوفر و اللى حصلى بسببه

 "يا حلو بانت لبتك من يوم ما وقعت قشرتك  تحرم عليا محبتك .. ..اه يا قفا اه يا قفا"
قالهالى واحد صاحبى من الرعاة الرسميين للأستقرار اول ما شوفنا شفيق فى عرض تخريج دفعة كلية الشرطة طبعا فى البداية أنا و هو فى نفس واحد دا شفيق لا مش شفيق دا شفيق لا مش شفيق فرد برده صاحبى و قالى شفيق يا راجل
طبعا جريت على تويتر لقيت الناس بتقول شفيق يبقى خلاص شفيق
نزلت بعينى شوية لقيت ناس بتتكلم فى وسط الكلام عن أقالة عصام شرف
فصاحبى رد و قالى شالو ألدو حطوا شاهين ألدو قال محناش لاعبين
هو فى ايه يا جدعان ما حد يفهمنى بقى علشان أنا بقيت صاحب مرض من ساعة المجلس العسكرى ما مسك و المرارة معدش فيها طيب لو دا شفيق أيه لزمته حضوره العرض العسكرى و بصفته ايه أصلا يحضر العرض العسكرى
طيب لو دا شفيق نعتبره ايه بقى نعتبره أستفزاز مثلا علشان الثوار يصعدوا و الشعب يقوم عليهم يبقى نفس الرهان الغبى اللى راهنه مبارك لما افتكر أن خطابه بتاع الثلاث هيخلى الناس أما تتخلى عن ثوار التحرير او تنزل تهاجمهم مع البلطجية
أو ممكن يكون شىء تانى خالص مرتبط بأشاعة أقالة شرف اللى جابه الثوار و دا شفيق اللى مشاه الثوار و الثوار دول مش عاجبهم حد و هيودوا البلد فى داهية و هم السبب فى عدم الأستقرار حتى الآن و يكون دا ضمان لعدم نزول الكنبجية من عالكنب لو أتخذ المجلس العسكرى أى قرار بخصوص أعتصام التحرير و دا طبعا فى ظل البيان اللى ملهوش لزمة بتاع النيابة اللى كاتبين فيه أن كل القضايا أما اتأجلت أو أتحددلها جلسات أقرب جلسه فيهم جلسة مبارك فى شهر 8 و اللى اتحكم فيه هى قضايا أمناء الشرطة الغلابة يعنى كأنك يا ابو زيد ما غزيت
لو دا فعلا شفيق يبقى المجلس العسكرى بيقولها بالبلدى كده طز فى الثوار و لو ليها اى معنى تانى حد يفهمنىلأنى مش فاهم غير اللى قولته
يبقى أحنا محتاجين تفسير لوجود شفيق فى العرض العسكرى بالذات أنه تزامن مع تنفيض المجلس العسكرى و الأنباء عن اقالة شرف و يا ريت اللى فاهم حاجة يفهمنى

إذا أعجبك المحتوى ساعد على نشره

مريلة بيج

كان المفروض أنى دلوقتى أنزل الجزء الثانى من مقالة صرخة ثورة و رغم أن المقالة مكتوبة و جاهزة إلا انى و أنا بفكر فى المقالة و بفكر فى حال البلد مغرفش أيه اللى رجع دماغى لورا أوى لأيام المريلة البيج و المريلة البيج للى ميعرفهاش من مواليد بعد سنة 90 على ما أظن هى عبارة من مريلة كنا و أحنا صغيرين فى الروضة أو الحضانة و من بعدهم الأبتدائى بنلبسها كان البنين و البنات بيلبسوها تصدق حتى كلمة بنين بقت قديمة دلوقتى أسمهم الأولاد محدش بقى يقول كلمة بنين دى خالص فاكرنها حتى كلمة روضة و حضانة معدش حد بيستخدمها و إلا بيعتبر بيئة كله بيقول كى جى و الله كانت ايام حلوة و جميلة جدا .

المهم بقى أنا ايه اللى فكرنى بالمريلة أحداث أمبابة اللى شوفناها من كام يوم و أحداث الفتنة الطائفية اللى قرفنا منها كل يوم ، و بصراحة لما افتكرت المريلة و ايام أبتدائى نفسيتى ارتاحت فقولت افكركم بيها يمكن نفسيتكم ترتاح أنتم كمان و دماغكم ترتاح شوية من وجع الدماغ اللى احنا عايشينه اليومين دول .

 كان نظام المدرسة و أحنا فى أبتدائى إن البنين و البنات بيلبسوا مريلة لونها بيج و تحتها بنطلون لونه بيج كان الفرق بين مريلة الولد و مريلة البنت أن مريلة البنت بتكون بأستيك من عالوسط و ساعات كده البنات المرفهة شوية مبتلبسش بنطلون تحتها و تلبس الشراب الأبيض الطويل اللى عامل زى البنطلون مش فاكر اسمه ايه بصراحة  والمريلة البناتى كانت بكسرات لكن الأولادى لا و كانت المريلة سواء بناتى أو أولادى ليها جيبين من قدام و تشبه الجونلة فى أنها طويلة شوية وواسعة و مريلة البنت كان بيكون عليها شريطة ملونة من عالصدر بيتهيألى لونها كان بنى مش فاكر أوى و كان طابور الصباح بيقف فيه ولد و جنبه بنت كنا عيال صغيرة و مش فاهمين حاجة و لا فارقة معانا موضوع دا ولد و دى بنت العيال الصغيرة دلوقتى متعرفش كأنهم نازلين من بطن امهم عارفين يعنى ايه واد و يعنى أيه بنت المهم كان الأستاذ أو الأبلة (كنا فى مدرسة حكومة مكناش بنقول عليها ميس دلوقتى كله بيقول ميس) بييجو يعملوا علينا تفتيش فى الطابور يشوفوا شعرنا طويل و الا لا و ضوافرنا و المريلة نضيفة و الا لا و يتمموا عالشراب الأبيض و الجزمة السوداء متلمعة و الا لا.

و علشان كنت رئيس الفصل كنت المسئول عن تنظيم الطابور أنا و بنت زميلتى كنا بعد تحية العلم نمسك أيد بعض و نطلع عالفصل و البنت دى كان اسمها فيفيان ، فيفيان أنطوان زخرى زاخر و الله فاكرها كأنها قدامى دلوقتى كانت بنوتة زى العسل و زى ما أحنا مكنش فى دماغنا أى مشاعر سيئة نحو كلمة ولد و بنت مكنش عندنا أى مشاعر سيئة نحو كلمة مسلم و مسيحى و كانت فيفيان مسيحية و رغم ذلك كانت أقرب أصحابى البنات فى الفصل ليا و كان باباها و مامتها بيحبونى أوى و كانت بتأكلنى من السندوتشات بتاعتها و كنت أنا طبعا بأكلها من السندوتشات بتاعتى بس هى كانت بتأكلنى من ساندوتشتها جدعنة و كرم أما أنا كنت بأكلها من سندوتشاتى علشان اتخلص من سندوتش المفتقة اللى أمى كانت فارضاه عليا كل يوم مع سندوتش تانى متغير فكنت أدى سندوتش المفتقة لفيفيان و أخد منها سندوتش لانشون مكانه أو جبنة رومى ( طبعا عارفين أن الجبنة الرومى و اللانشون كانوا من دلائل الرفاهية )  و كنا كمسلمين و مسيحيين مبنفترقش غير فى حصة الدين بس دا مكنش شىء بيفرقنا كان شىء عادى و ملناش دعوة بيه و لا حتى بنتكلم فيه يمكن بس كنا بنستغرب منه ساعات لكن عمرنا ما ضايقنا بعض بسبب الدين أو اى شىء تانى كنا كلنا براءة فعلا .

اللى أنا مستغرب منه دلوقتى هل الروح دى أختفت من مدارسنا زى ما المريلة البيج أختفت و ألا لسه موجودة بين أطفال ابتدائى و حضانة قصدى كى جى و هل محتاجين لروح المريلة تانى علشان ننسى الفروق ما بينا و نفتكر أننا شركاء فى فصل واحد و دكة واحدة (دلوقتى بيقولو عليه ديسك) قصدى وطن واحد .

طبعا علشان مضيعش فرحتك بسرحانك فى ايام ابتدائى هفكرك بشوية حاجات كده من بتاعت ابتدائى فاكر الشريطة الحمراء اللى زى بتاعت القضاة اللى كان بيلبسها رؤساء الفصول و فاكر الشريطة بتاعت الشرطة العسكرية اللى كنا بنلبسها على كتفنا طيب فاكر شنطة المدرسة القماش و شنطة المدرسة الجلد أم ترباس طيب فاكر مصروفك كان كام فى أبتدائى أنا عن نفسى لحد سنة تالتة ابتدائى كان مصروفى بريزة ورق كنت بتفشخر بيها عالفصل كله طيب فاكر مسابقات الشمعدان و الا البوم بم بم دا كان احسن مصدر معلومات بم بم فى عالم البحار و بم بم طيار و هكذا يعنى و فاكر قصص سمير و تان تان و قصر الثقافة و القراءة للجميع و المسلم الصغير و ماجد المجلة مش كابتن ماجد بتاع اليومين دول طيب فاكر ماما سامية و ماما نجوى و كرنبة و بقلظ  و سينما الأطفال و أبلة فضيلة طيب فارين مسلسلات الراديو و برنامج العلم و الأيمان و برنامج غرائب و طرائف و عجائب طيب فاكرين ميكى جيب و المغامرون الخمسة و الشياطين الـ13 كل دى حاجات جميلة عيشناها و أحنا صغيرين و اكتر منها بكتير اللى فاكر حاجة يا ريت يفكرنا بيها و ياريت لما نفتكر مننساش ان موضوع مسلم و مسيحى دا و ليبرالى و علمانى و سلفى و صوفى و اخوانجى الحاجات دى كلها جديدة علينا كل اللى فاكرة أننا كنا بس مصريين .

أمة اقرأ لم تعد تقرأ

 أول ما جاء به الوحى على رسول الأسلام صلى الله عليه و سلم هو اقرأ و فى وقت كانت فيه أمة اقرأ تقرأ كان الغرب يعيش ظلمات الجهل و التخلف فى عصوره الوسطى و كانت أمة اقرأ منارة للعلوم فخرجت العلوم من الشرق لتنير الغرب و لما توقفت أمة اقرأ عن القراءة أظلمت سماءها و مضت سنة الله فى كونه أن ليس للأنسان إلا ما سعى و كان السعى هذه المرة ناحية الغرب فأظلم الشرق و ملأ الدنيا نور الغرب .

و بعد ثورة الخامس و العشرون من يناير و حتى نعود مرة أخرى و لا نضل الطريق فيجب علينا أن نعود مرة أخرى للقراءة و العلم فبدونهما لن نتقدم و لن نتحرك إلا للخلف كما كان حالنا فالجهل دوما يصنع الطغاة أما العلم فيصنع الأمم .

و من اليوم يجب أن نطلق بالثلاثة شعار اللى نعرفه أحسن من اللى منعرفوش لأنه شعار دولة الجهل و التخلف أما دولة العلم و التقدم فشعارها هو اللى نعرفه أقل من اللى منعرفوش لأنها دولة هدفها المعرفة و العلم .

فليكن سماد أرضنا العمل و ليكن الماء الذى يرويها هو العلم و بعلم و عمل تزدهر الأشجار الذابلة و تعود للإثمار مرة أخرى .

و فى أول خطوة من المدونة نحو التشجيع للقراءة سوف نقوم بتوفير أكبر قدر ممكن من الكتب فى شتى المجالات و نظرا لأن مصر اليوم اليوم تمر بحالة مخاض سياسى و حتى نفهم ما يحدث حولنا من تغيرات سياسية سوف نبدأ فى عرض مكتبة كاملة للكاتب الصحفى الرائع محمد حسنين هيكل و الذى عاش فى المطبخ السياسى لمصر منذ أعلان الجمهورية و حتى الآن و الذى قال عنه أنتونى ناتنج وزير بريطانيا للشئون الخارجية "عندما كان قرب القمة كان الكل يهتمون بما يعرفه... وعندما ابتعد عن القمة تحول اهتمام الكل إلى ما يفكر فيه" و عرضت له قناة الجزيرة مجموعة حلقات فى برنامج سمى بأسمه " مع هيكل" عرض فيه تجربة حياته هذا غير حلقات شاهد على العصر الى أستضافته فيها قناة الجزيرة .

سنبدأ بأمر الله من اليوم عرض مكتبة هيكل كاملة بكل الكتب التى ألفها أضافة إلى حلقات الجزيرة مع هيكل و نتمنى أن تكون كافية لأنضاج جزء من الوعى السياسى و الثقافة السياسية لنا مع مجموعة أخرى من الكتب لكبار الكتاب و نرجو من من يحتاج أى كتاب أن يراسلنا و سنحاول قدر الأمكان توفيره له .

ملحوظة هذا هو البوست رقم 101 للمدونة و عقبال يا رب ما نوصل سوا للبوست رقم 1000000 و مصر بتتقدم و أحنا بنتقدم

كلمات ولكن .... !!!

من عجائب الشمس إنها ما زالت تشرق على الأغنياء والفقراء على حد سواء !!



- إذا انتظرت " الحظ " فقد يأتيك يوما ولكن قد تكون غير موجود !!


- الخيانة .. سلاح في يد الضعفاء لا يقتل إلا الأقوياء !!


- الحب مثل الحية لينه الملمس والسم النافع في جوفها !!


- الحب كالإبرة له عين وله وخزاتا تدمي !!


- الدنيا يهوى إليها الجاهل ويحذرها ذو اللب العاقل !!


- قد تنسى من شاركك الضحك لكنك لن تنسى من شاركك البكاء !!


- إن تموت واقفا أفضل من أن تعيش تحت الأقدام !!


- الابتسامة كلمة طيبة من غير حروف !!


- الابتسامة لا تكلف شيئا ولكنها تعني الكثير !!


- الابتسامة هي جواز السفر إلى القلوب !!


- قد تندم لحظة إذا سئلت ولكنك ستندم طول عمرك إذا لم تسأل !!


- إذا اخترت الحياة على الهامش فأعلم إنك ستموت بدون عنوان !!


- اندم كما شئت فرصيد ندمك في بنك الحياة لن ينتهي !!


- لا تدع قطار حياتك يتوقف كثيرا على " محطة " اليأس

واحتفظ دوما ب " تذكرة " الأمل !!


- الإنسان بدون أمل كالوردة بدون ماء

فبدونه قد تموت قبل أن تجد من ينقذها !!


- قد يضيع الحب وقد نفتقد الأمل ولكن تبقى لنا الذكرى !!


- الضعف .. أن تكون أداة في أيدي الآخرين !!


- قد تستطيع أن تنزع صورة من حائطك

ولكنك حتمًا ستبقي جرحًا ينزف على الحائط !!


- المجاهرة .. ب الألم تسول " شفقة "

والتستر عليه إعلان " نعي "

وبينهما لن يصلح الدمع ما أفسدته قلوبنا.

الشعب يريد خريطة طريق (4) .. السرقة بالقانون

تحدثنا على مدار ثلاث مقالات عن أحتياج الوطن فى المرحلة القادمة إلى خريطة طريق و تحدثنا فى المقال الأول عن الأسباب الداعية إلى وجوب وجود خريطة طريق للمرحلة القادمة و فى المقال الثانى تحدثنا عن خريطة الطريق من أجل أصلاح و تطهير الجهاز الأمنى و فى المقال الثالث تحدثنا عن خريطة الطريق من أجل أصلاح و تطهير الأعلام و نحن اليوم فى أمس الحاجة لخريطة طريق لأصلاح و تطهير الفساد السياسى و الأدارى .

الفساد السياسى

لا يستطيع أحد أن ينكر أن الحزب الوطنى و مجلسى الشعب و الشورى لهم نصيب الأسد فى الفساد السياسى الذى أنتشر فى البلاد ما قبل 25 يناير و أن البلاد كانت تتعرض لعملية قتل قانونى للديموقراطية و لكل وسيلة حرة و شريفة للمعارضة و التعبير عن الرأى حتى أنهم أصبحوا هم الأغلبية و المعارضة فى نفس الوقت  و كان مجموعة منتفعى الحزب الوطنى و المخلوع مبارك يدبرون هذا بغطاء قانونى حتى إذا ما وصلت الأمور إلى ما هى عليه الآن لا يستطيع أحد محاسبتهم فالبقاء فى السلطة يضمنه الدستور و عدم ترشح غيره للرئاسة يضمنه الدستور و المحاكمات العسكرية تتم بقانون بموجب سلطاته كرئيس جمهورية التى يخوله أياها الدستور الأعتراض على الأحكام القضائية و ألغاءها أو تخفيفها سلطة يمنحه الدستور أياها .

و فى اطار معالجة ها الوضع المخزى كانت  أولى الخطوات الصحية التى تمت و هى التعديلات الدستورية و من بعدها قانون الأحزاب الجديد و الذى جعل أنشاء الأحزاب بمجرد الأخطار  و لكن هذا لا يضمن غير تداول السلطة و لكن تظل سلطات الرئيس المطلقة هى حجر العثرة فى طريق الاصلاح و إن كان الأمل فى دستور جديد يؤسس لدولة برلمانية يحكمها الشعب بدون سلطات مطلقة لرئيس الجمهورية .

و لكن يبقى الحزب الوطنى و رجاله المسئولين عن كل ما حدث من فساد سياسى فى البلاد و الطبيعى أن يتم حل الحزب الوطنى و منع أعضاءه من ممارسة العمل السياسى لفترة معينة من الزمن فهؤلاء حتى الصالح منهم أعان على أنتشار الفساد فى البلاد و أعان على تقنين الفساد فى كل أركان الدولة فالمنضمين للحزب الوطنى أما طامع فى كرسى فى مجلس الشعب و أما طامع فى عمل سياسى و أما طامع فى رحلة من رحلاته أى أنهم جميعا أنضموا ليستفيدوا من الفساد المستشرى فى البلاد و هذا يعنى اشتراكهم فيه بالتبعية و لا يعفيهم من أى مسئولية و العقاب بالحرمان من المشاركة فى العمل السياسى لفترة من الزمن هو أقل عقاب لهم .

الملاحظ اليوم للمرشحين المتقدمين لأنتخابات الرئاسة المصرية سيجد منهم أثنان اصحاب موقف مشرف مع الرئيس الراحل السادات و هم لا يزالون طلابا بعد و هم حمدين صباحى و عبد المنعم ابو الفتوح و كانوا هؤلاء و معهم أغلب مفكرى مصر و مثقفيها الذين أثروا فى الحركة السياسية فيما بعد هم نتاج لائحة 1976 الطلابية و التى الغيت بلائحة 1979 حتى يستطيع الحكم الديكتاتورى قتل النشاط السياسى و قتل حرية طلبة الجامعة و فرض الوصاية على نشاطهم السياسى و نتيجة للائحة 1979 توقف النشاط السياسى لطلبة الجامعات و لا أبالغ لو قلت أنه قتل تماما فى الجامعات و هذا سببا آخر من اسباب الفساد السياسى لعدم وجود أجيال عندها الوعى السياسى الكافى للمطالبة بحقوق الوطن و للألتحاق بالأحزاب فيما بعد .

الفساد الأدارى

و من أكبر أسباب أنتشار الفساد فى عصر مبارك هى السلطات المطلقة التى كان يملكها بموجب منصبه و من أكثر سلطاته التى أدت إلى أنتشار الفساد فى البلاد و كان هدفها تأمين بقاءه و الولاء له هو قانون المد بعد سن الستين و ربطه بالقرار الجمهورى و هو ما ساعد أولا على جعل جميع قيادات العمل فى مصر فوق سن الستين مما جعل المد لهم متوقفا على مدى رضا السيد الرئيس عن أداءهم و هو ما كان جميعهم يجتهدون فيه و لو بحثت فى هذا لوجدت أن روؤس العمل الأدارى فى مصر جميعهم فوق سن الستين و كذلك قيادات الجهاز الأعلامى و المصرفى و لواءات الشرطة و الجيش و أستغرب ممن يدعى من ضآلة مرتبات هؤلاء و هو أدعاء كاذب فكل شىء فى مصر كان يسير بالقانون و البدلات كانت لا تحرم أحد فابراهيم نافع مثلا كان نصيبه اليومى القانونى من مؤسسة الأهرام 83000 جنيه يعنى فى الشهر رقم كبير أوى أحسبه أنت بقى هذا غير أن صديق لى يعمل بالشرطة و بحكم موقعه يطلع على ما يصرف للواءات الشرطة فأقل ما يتقاضاه لواء الشرطة تقريبا 80000 ألف جنيه شهريا و طبعا هم لا يتقاضون هذا كمرتب أساسى فما يتقاضونه كمرتب أساسى لا يتجاوز الـ 1000 جنيه باى حال من الأحوال أما مجموع ما يتقاضونه من مبالغ من خزينة الدولة فهو أرقام فلكية مثال آخر على ذلك الفريق أحمد فاضل رئيس هيئة قناة السويس كم يبلغ مجموع ما يتقاضاه من خزينة الدولة شهريا سمعت من يقول راتبه الشهرى مليون جنيه و سمعت من يقول راتبه الشهرى مليون و نصف المليون من الجنيهات و لكن أين الحقيقة لا أعلم و لكننا نحتاج ان نعلم فالفريق أحمد فاضل يبلغ من العمر الآن 75 سنة و منذ 15 عاما و مبارك كان يمد له فى الخدمة هو و غيره مما حول مصر لدولة العواجيز و أظن الجميع سمع عن مقولة زكريا عزمى بأن ما يملكه من فيلات و قصور هو من راتبه و لا أكذبه و إن لم أتأكد من مصداقية صدور هذا الكلام عنه إلا أن السرقات كانت تتم بطريقة قانونية فالرواتب فعلا لا تتجاوز الألف جنيه لأتخن تخين فى مصر و لكن هذا هوالراتب أما مجموع ما يتقاضونه من مبالغ شهريا من خزينة الدولة فهى أرقام خيالية تحت مسمى البدلات و المكافآت و أتحدى أن يعلن فى الوقت الحالى مقدار ما كان يحصل عليه أيا من هؤلاء من مبالغ من خزينة الدولة .

إضافة إلى أن الدولة جمدت الحد الأدنى للأجور لعشرات السنين فما كان من صغار موظفى الدولة لمواجهة غلاء المعيشة  إلا أن بدأوا فى تسول الأكراميات و الرشاوى و تقنينها هم الآخرين تحت سمع و بصر الجميع و مباركتهم فأنتشر الفساد أنتشارا سرطانيا فى جميع مؤسسات البلاد و الجميع يعلمون أسلوب الدرج المفتوح فى تقديم الرشوة .

من الأمور أيضا التى أدت لأنتشار الفساد بصورة كبيرة و التى كانت تعتبر طعنة فى مبدا ان المواطنين سواسية هى قيام مؤسسات الدولة بعرض أراضى لموظفيها فى المناطق الساحلية و القرى الجديدة باسعار زهيدة و هذه كانت وسيلة أخرى لتكميم الأفواه و ضمان الولاء فعلى حسب حساسية المؤسسة تكون درجة تميز هذه الأراضى فمثلا الوزراء تباع لهم فيلات و قصور فى لسان الوزراء قيمة الفيلا تتجاوز 100 مليون جنيه مثلا يقوم السيد الوزير بشراءها بمبلغ زهيد قد يكون مثلا 500 الف جنيه و بعد ذلك هو حر يبيعها او يحتفظ بها أما ضباط الجيش و الشرطة فنصيبهم أما شقق منخفضة التكاليف أو قطع أراضى مميزة و منخفضة السعر و هكذا المواطن الغلبان لا مكان له فى وسط كل هذا و اتحدى إن أستطاع أحد اثبات فساد فى هذا فكل شىء كان يتم بالقانون .

أقتراحات و حلول

أظن انه حان الوقت للمصارحة و المكاشفة و أظن أننا فى وقت لا تحتاج فيه البلاد لعواجيز الفرح و الذين لم يكن لهم فائدة إلا ضمان ولاء جميع المؤسسات لمبارك و ولده من بعده و لهذا فأنه يجب أن يتم أحالة كل من تخطى سن الستين من قيادات مؤسسات الدولة و من قيادات الجهاز الأدارى و ما كانوا يتقاضونه من مبالغ خيالية نستطيع ان نحدد به حد أدنى للأجور .

أعادة لائحة 1976 الطلابية لأعادة النشاط و الحراك السياسى بالجامعات

تشكيل محاكم ثورة لمحاسبة مبارك و معاونيه من حملة المباخر لأن القانون لن يثبت اى شىء عليهم فخطاب مبارك الأستفزازى بالأمس يؤكد أن السرقة فى مصر كانت تتم بالقانون و لن يفلح القانون فى محاسبتهم و سوف تثبت لكم الأيام هذا .

نريد معرفة مجموع ما كان يتقاضاه مبارك و معاونيه من مبالغ شهريا من خزينة الدولة و لا أتحدث هنا عن مرتباتهم بل أتحدث عن مجموع ما كانوا يتقاضونه حتى نعرف كيف كان يتم سرقتنا قانونيا حتى لا نسرق بنفس الطريقة مرة أخرى .

يجب تحديد حد أعلى للمرتبات و هذا الحد الأعلى يجب ان يكون مجموع ما يخرج من خزينة الدولة للموظف و ليكن مثلا 70 ألف جنيه و تحديد حد أدنى للأجور يتناسب مع متطلبات المعيشة الآن و ربط الأجور بالأسعار .

ملف الفساد الأدارى و السياسى يحتاج لجان دراسته للخروج بأفضل الحقوق و يحتاج أيضا لأقتراحاتكم أرجو تشاركوا برأيكم .

و ربنا نفسى أعيط ... فضفضة

العدل هو ان يكون جميع المواطنين سواسية امام القانون هذه هى ابسط قيم العدل و هذه هى ابسط تعريفاته من وجهة نظرى و علشان أجيبلك من الآخر أنا هوريك نص قانون البلطجة الجديد اللى أصدره المجلس العسكرى و بعدها نتكلم

نص قانون البلطجة

أصدرالمجلس الأعلى للقوات المسلحة مرسوما بقانون رقم 10 لسنة 2011 بتعديل بعض أحكام قانون العقوبات الصادر بالقانون رقم 58 لسنة 1937 والخاص بمكافحة أعمال الشغب والبلطجة.

جاء فيه: بعد الاطلاع على الإعلان الدستورى الصادر بتاريخ 13/2/2011 وعلى قانون العقوبات الصادر بالقانون رقم 58 لسنة 1937 وبعد موافقة مجلس الوزراء قرر المرسوم بالقانون الآتى نصه وقد أصدرناه:

المادة الأولى: يضاف باب جديد إلى أبواب الكتاب الثالث من قانون العقوبات يتكون من مادتين برقمى 375 مكرر و375 مكرر(أ) وذلك على النحو الآتى:

الباب السادس عشر والخاص بالترويع والتخويف والمساس بالطمأنينة "البلطجية" نصت المادة 375 مكرر على أنه: مع عدم الإخلال بأي عقوبة أشد واردة فى نص آخر يعاقب بالحبس مدة لاتقل عن سنة كل من قام بنفسه أو بواسطة الغير باستعراض القوة أو التلويح بالعنف أو التهديد بأيهما أو استخدامه ضد المجنى عليه أو مع زوجه أو أحد أصوله أو فروعه وذلك بقصد ترويعه أو التخويف بإلحاق أى أذى مادى أو معنوى أو الإضرار بممتلكاته أو سلب ماله أو الحصول على منغعه منه

أو التأثير فى إرادته لفرض السطو عليه أو إرغامه على القيام بعمل حمله على الامتناع عنه أو لتعطيل تنفيذ القوانين أو التشريعات أو مقاومة السلطات أو منع تنفيذ الأحكام أو الأوامر أو الإجراءات القضائية واجبة التنفيذ أو تكدير الأمن أو السكينة العامة متى كان من شأن ذلك الفعل أو التهديد بإلقاء الرعب فى نفس المجنى عليه أو تكدير أمنه أو سكينته أو طمأنينته أو تعريض حياته أو سلامته للخطر أو إلحاق الضرر بشىء من ممتلكاته أو مصالحه أو المساس بحريته الشخصية أو شرفه أو اعتباره.

وتكون العقوبة الحبس مدة لاتقل عن سنتين ولا تتجاوز خمس سنوات إذا وقع الفعل من شخصين فأكثر، أو باصطحاب حيوان يثير الذعر أو بحمل أي أسلحة أو عصى أو آلات أو أدوات أو مواد حارقة أو كاوية أو غازية أو مخدرات أو منومة أو أي مواد أخرى ضارة أو إذا وقع الفعل على أنثى أو من لم يبلغ ثمانى عشرة سنة ميلادية كاملة. ويقضى فى جميع الأحوال بوضع المحكوم عليه تحت مراقبة الشرطة مدة مساوية لمدة العقوبة المحكوم بها.

مادة 375 مكرر (أ) وتنص على: ضاعف كل من الحدين الأدنى والأقصى للعقوبة المقررة لأي جنحة أخرى تقع بناء على ارتكاب الجريمة المنصوص عليها فى المادة السابقة ويرفع الحد الأقصى لعقوبتى السجن والسجن المشدد إلى عشرين سنة لأي جناية أخرى تقع بناء على ارتكابها.

وتكون العقوبة السجن المشدد أو السجن إذا ارتكبت جناية الجرح أو الضرب أو إعطاء المواد الضارة المفضى إلى موت المنصوص عليها فى المادة 236 من قانون العقوبات بناء على ارتكاب الجريمة المنصوص عليها فى المادة السابقة فإذا كانت مسبوقة بإصرار أو ترصد تكون العقوبة السجن المؤبد أو المشدد.

وتكون العقوبة الإعدام إذا تقدمت الجريمة المنصوص عليها فى المادة 375 مكرر أو ارتبطت بها أو تلتها جناية القتل العمد المنصوص عليها فى الفقرة الأولى من المادة 234 من قانون العقوبات.

ويقضى فى جميع الأحوال بوضع المحكوم عليه بعقوبة مقيدة للحرية تحت مراقبة الشرطة مدة مساوية لمدة العقوبة المحكوم بها عليه بحيث لاتقل عن سنة ولا تتجاوز خمس سنين.
المادة الثانية: ينشر هذا المرسوم بقانون فى الجريدة الرسمية وتكون له قوة القانون ويعمل به اعتبارا من تاريخ نشره .

دا نص القانون و عارف ان كتير منكم مش هيقروه و مش هرغى كتير وأقولك أقراه علشان أنا كمان قرفان و عاوز أنجز .

دلوقتى لما الجيش فض أول أعتصام بالقوة عملوا أيه سيادتهم حاسبوا الشباب بتوع الثورة فى minute مينيت زى ما الشباب بيقولوا و الشباب المطحونين من غير محامى من غير اى حاجة من غير حتى ما يلحقوا يطلبوا أنهم يروحو الحمام أتحكم عليهم بالسجن و طلعان عين أم اللى خلفونا و أحنا بنبوس الأيادى و نقول دول أولادكم و علشان خاطرنا حاكموهم من الأول و كأنهم عاملين عملة أو مرتكبين جناية .

دلوقتى الجيش بنفسه قال أن الكلب ابن الكلب اللى أسمه إبراهيم كامل هو اللى حرض البلطجية فى التحرير أمبارح و أن الجيش برىء براءة الديب من دم ابن يعقوب طيب ماشى يا عم الجيش أنا هخلينى ورا الكداب لحد باب الدار سيادتكم بقى مطالبين فى خلال 24 ساعة أنكم تجيبوا الحيوان اللى أسمه إبراهيم كامل و شوية الكلاب اللى شغالين معاه اللى أنتم قولتم عليهم وائل أبو الليل و طارق سليمان و خالد محمد إسماعيل و بعد ما تجيبوهم يا بهوات محاكمتهم تكون بكرة و متقولوليش تحقيقات فى أم قانون بلطجة انتم اللى عاملينه و محاكمة عسكرية زى الشطار كده فى خلال 48 ساعة و حكم بالأعدام على حسب القانون اللى سيادتكم عملتوه و إلا بقى مش هقول تباطؤ و ألا تواطؤ تانى أنا ساعتها هقول تعر... و الا عيب علشان فى بنات هتقرأ أم البوست و بطلوا بقى تيدونا على قفانا و تسجدوا فينا علشان الريحة بقت وحشة أوى و محدش يقدر يستحملها أكثر من كده .

القانون دا أنتم اللى عاملينه و إبراهيم دا أنتم اللى قولتم أن هو اللى عاملها و المحاكمات العسكرية دى بتاعتكم أنتم يعنى مش محتاجين حاجة تانى و أظن لو نيتكم صافية يبقى هتنفذوا فيه الأعدام فى خلال 24 ساعة و ساعتها كل كلب هيستخبى فى جحره و هيعرف أن شعب مصر ليه ضهر بدل ما أحنا كل شوية لحد النهاردة بنأخد على قفانا أعملوا حاجة بقى تشفعلكم قدام ربنا و قدامنا و ربنا هتتحاسبوا حساب عسير عاللى أنتم عاملينه فينا دا ..

و مش هقول غير كلمة واحدة مصر ملهاش غير ربنا و لا مجلس عسكرى و لا سلفيين و لا أخوان و البابا و لا الليبراليين و لا الناصريين و لا أى حد و الله العظيم ملناش غير ربنا لأن كل واحد فى دول مبيدورش غير على نصيبه فى التورتة سواء هما و اللى مرشحين نفسهم للرئاسة .

أبوس أيد اى واحد هيقرأ البوست دا ينشره لكل أصحابه عاوزين ابراهيم كامل يأخد أعدام فى خلال 48 ساعة و أى واحد من بتوع حقوق الأنسان هيتكلم يحط الجزمة فى بوقه و يسكت علشان أحنا محتاجين حتى حد من بتوع حقوق الحيوان يخلى باله مننا حرام بقى دم الناس اللى فى رقبتنا دا دا أحنا لو كلاب و فى حد ماشى لقى كم التلطييش اللى بنتلطشه دا هيقول للى بيعذبنا كفاية حرام عليك .

دم كل شهيد هيكون فى رقبتنا  كلنا لو مطالبناش بأعدام أبراهيم كامل فى خلال 48 ساعة و الا هو حساب الثوار بس اللى سريع .

و دى صفحة عملتها عالفيس بوك علشان نطالب بأعدام أبراهيم كامل فى خلال 24 ساعة أرجوكم أنشروها

http://www.facebook.com/martyr.blood

شكرا للشيخ حازم شومان و هذا هو أسلامنا و رجاءا أفتحوا الأبواب

أتذكر هنا ما كتبته بالنص فى مقال طلقات من وحى الأستفتاء على خلفية ما حدث وقت الأستفتاء من تخبط بين جميع التيارات الموجودة فى مصر و كان نص كلامى الآتى " يجب أن يفتح باب المسجد و الكنيسة على مصراعيه للحوار المفتوح لأن من الواضح أن كلا الطرفين يظن نفسه المضطهد الوحيد فى عصر مبارك و من الواضح أن كلا الطرفين لا يعرف الآخر جيدا و كذلك الأمر بالنسبة للتيارات السياسية و التى من الواضح أن معرفتها بالمسجد و الكنيسة تقتصر على ما كان يعرضه أعلام مبارك مشوها عن كل منهما. "

مبارك فرق تسد

مبارك و نظامه السابق كان يعتمد على شيئين أساسيين فى بقاءه الأول هو فرق تسد و الثانى هو التغفيل المغناطيسى أو الرهاب النفسى و كان يعتمد فى هذا على أجهزته الأمنية و أكاد أجزم أنه كان يستخدم خبراء للنفس و الأجتماع فى نشر الشائعات حتى تصل إلى الغاية المطلوبة منها بتخويف كل أطياف المجتمع من بعضها البعض و تشكيك كل منهما فى نوايا الآخر و ساعد فى ذلك أنى أشعر أن جميع التيارات الموجودة فى مصر و من معاشرتى لهم جميعا فى أيام الثورة و بعدها معزولين تمام الأنعزال عن بعضهم البعض و عن الشارع المصرى و هذه هى أكبر أزمة نواجهها الآن و تجعل الحوار الوطنى عسيرا جدا فالتيار الدينى يظن أن كل ليبرالى ملحد أو كل علمانى ملحد برغم أن هناك الكثير من الليبراليين الملتزمين دينيا أعرفهم شخصيا و إن كنت قابلت الكثير من الملحدين فى الفترة الماضية و تجد الأخوان المسلمين أكثر التيارات الدينية أنفتاحا على الشارع يشوب تحركاتهم و خطواتهم غموض يثير الريبة و لو لم يكن لى الكثير من الأصدقاء منهم لظننت فيهم السوء أما عن المسيحيين و لى أيضا منهم كثيرا من الأصدقاء فهم لا يعرفون عن الأسلام شيئا غير زوجات النبى و أن الأسلام دين السيف حتى أنهم كانوا يستغربون حين أقول لهم لا أدرى من العبقرى الذى ملأ أدمغتكم بهذا الكلام و أنكم لو تقاضيت على عدم دستورية القوانين التى تحد من بناءكم لدور العبادة بالمادة الثانية من الدستور حيث أن الأسلام يمنحكم حرية العبادة و استشهد لهم بقصة عمر بن الخطاب فى القدس و عمرو بن العاص مع القص سمعان فى مصر فلا يصدقون و غير هذا الأنقسام كان الأنقسام الآخر بين المصرى الأهلاوى و المصرى الزملكاوى و المصرى الأسماعيلاوى تخيلوا أن جميع الفئات هذه كانت تشعر بالأضطهاد و فى كل فرقة منهم كان هناك جزءا منها شديد التطرف.

مصر اشكال و ألوان

فالمسلمين مقسمين إلى سلفيين و أخوان و صوفيين و كانت الحكومة لا ترينا من السلفيين غير التكفير و الهجرة و الجهاد و من الأخوان غير محاولة أغتيال عبدالناصر الملفقة ( أطالبهم لو كانوا واثقين من براءتهم بفتح ملف قضيتها الآن لأثبات براءتهم)و لا ترينا من الصوفيين إلا عباد القبور و كل هؤلاء الغلاة لا يمثلون الأسلام فى شىء .

أما المسحيين فلم يكن الأعلام يظهر منهم غير زكريا بطرس الذى يتطاول على الأسلام و راعى التنصير الأول و مايكل منير المستقوى بامريكا و هؤلاء أيضا لا يعبرون عن المسيحيين فى شىء .

أما العلمانية فكان الأعلام يصورها على أنها الحاد و يظهر لنا وجه الألحاد القبيح و للعلم حتى الملحدين منقسمين إلى ملحد شيوعى و ملحد ليبرالى فكان الأعلام يظهر لنا نوال سعداوى و هى ملحدة شيوعية على أنها من دعاة العلمانية و ما هى إلا ملحدة شيوعية متطرفة تدعى الأسلام حين تريد مهاجمته و الوجه الآخر هو مايكل نبيل سند و هو ملحد ليبرالى متطرف مسيحى الأصل مؤيد لأسرائيل و رافض للتجنيد فى الجيش المصرى و لا يعلن مسيحيته إلا حين يريد مهاجمة البابا أو مهاجمة مصر بدعوى أضطهاد الأقليات و هؤلاء الوجهين لا يعبرون عن العلمانية نهائيا أو بمعنى آخر يعبرون عن العلمانية اليسارية المتطرفة .

أما كرة القدم فحدث و لا حرج فمشجعى كل فريق و أسميهم المغفلون الكرويون يشعرون بالأضطهاد فمشجعى الأسماعيلى مثلا أنتشر بينهم مقولة أن لو الأهلى لاعب اسرائيل لشجعنا اسرائيل و هم طبعا مبالغون فى قولهم و واثق أن لن يحدث منهم هذا و لكن أنتشر بين مشجعى كل فريق انه مضطهد و انه الفضل رغم انهم جميعا لا يقدمون إلا عكا كرويا و ساعد على ذلك المرتزقة من التؤام إلى مدحت شلبى و خالد الغندور و شوبير إلى الفاسدين الخطيب و حسن حمدى و بصراحة بقى بالنسبة لدول لو هتفضل العلاقة بينهم كده يبقى بلاها كرة أحسن .

أفتحوا الأبواب

أكتب هذا لأطلب من الجميع أفتحوا الأبواب حتى يظهر الصالح من الطالح و حتى لا يستغلكم متطرفيكم و بصعدوا على أكتفاكم و يكونون هو الممثلين لكم و على الجميع الان أن يراجع نفسه حتى لا يستغله أحد و نعود لنقول أنها ثورة مضادة فليس كل السوء تفعله الثورة المضادة فالكثير من السوء تفعلونه أنتم بغلقكم الأبواب و يكفى ما يحدث من مهزلة من بعض الشباب المغيبين و الذين خرجوا علينا بداية بشعار آسفين يا ريس و بعدها نرجوك يا شفيق ترشح نفسك ريس و أرجع يا عمر يا سليمان و دلوقتى بسبب فرقتكم فجروا و أعلنوا أنهم هينظموا مليونية يوم 25 أبريل للمطالبة برجوع المخلوع مبارك و بصراحة بقى لو فضلتم قافلين الأبواب يا رب حسنى يرجع تانى علشان يعلمكم الأدب و يعرفكم أن الفرقة ضعف و الوحدة قوة .

شكرا للشيخ حازم شومان

و ظهر أثر غلق البواب جليا فى خطبة للشيخ حازم شومان هاجم فيها البرادعى بمعلومات مغلوطة سواء عن الليبرالية او عن البرادعى و ذلك بسبب سياسة الرهاب النفسى التى كان يعاملنا بها النظام السابق و تحدث عن أن زوج أبنة البرادعى مسيحى و هو ما نفاه البرادعى و أكد أن زوج أبنته أسلم قبل الزواج و أن الزواج موثق بالسفارة المصرية .

و هنا أظهر الشيخ حازم شومان أخلاق الأسلام لما عرف الحقيقة فأعلن أعتذاره للبرادعى و هاجم الأعلام المضلل الذى ينشر الشائعات و إن كان الأعلام لم يفوت الفرصة بعدها و قال أن الشيخ حازم أعتذر عن تكفيره للبرادعى و هذا ما لم يحدث فالشيخ تحدث عن زواج أبنته من مسيحى و لم يكفره .

و اسجل شكرى لأخلاص و شجاعة الشيخ حازم شومان فلا أحد منا معصوم من الخطأ و رجااااااااااء أفتحوا الأبواب فكثيرون من لا يعترفون بأخطاءهم .

خطبة الشيخ حازم شومان التى هاجم فيها البرادعى:

أعتذار الشخ حازم شومان للبرادعى :